TheGodFather

Tuesday, October 24, 2006

مفيش حد حلم


مفيش حد حلم
ممكن تحلمه ..
يا عبيط
واوعى تفكر تعتمد أو تستند
على كتف حد
يا حويط
من فينا حلم
للأسف مفيش
لأننا بشر ومش بشر
ممكن تقول اشباه تقليد
اعمى وممكن تبتصر
بنور من اى كهف بعيد
تضحك لانك اعمى ومش شايف
انه نور منه لا يقل ولا تزيد
لان المشكله مش انه نور
…. المشكله انك نفسك
جايز تقدر تحتمل او تنتنى
ونقول هو هو نفس الحلم ..
بسيط .. لكنه وهم عبيط
مش معقول تكون تفترق بين نفسك
ونفسك .. ما هى هى ايه نفسك غير
سبحة متفرطة على الارض تفريط
بين رجلين البشر .. لملمها
لو تقدر .. ومش هتقدر ..
لانك لو وطيت هيقولوا
ده انكسر .. اتعصر .. مقدرش
يا خى غور هومين كان قالك انك
بطل .. بلا هطل
وكلام منمق .. من السطل ..
ودوران حوالين نفيك فى نفسك
مالعمى واللملمه .. واسئلتك المبهمة
شوف انت واقف والناس سايرين
وعامل بطل .. نزل دراعاتك
هتاكلها طواحين الهوى
اوعى تفكر الهوى من ربنا
لا ده الهوى من نفسنا
كل منك الهوى والغوى واللولوة
حوالين عامود نور مطفى
اسمه حياتك او قول ذاتك
كمان لفة .. لفتين او مليون
هتنفلق .. وتنغلق وتقول كمان لفة
هى لفة .. لفة واحدة كمان يا رب
وتغوص فتلافيفك .. لف يا طور
من هنا لهنا .. ومن هناك
ومش هقولك لهنا .. لانك بتبعد
بتسند على حد مالوش فى الدنيا
اسم .. مالوش فى الدنيا حس
مجرد تهته على الورق على الشاشات
على سقف اوضتك والذكريات
لانه حلم ولان يا بنى
مفيش حد فى الدنيا دى
حلم